காக்கா வலிப்பு: யாருக்கு ? எப்படி? அறிகுறிகள்? காரணங்கள்? தீர்வுகள் அனைத்தும் அறிவோம்

காக்கா வலிப்பு: யாருக்கு ? எப்படி? அறிகுறிகள்? காரணங்கள்? தீர்வுகள் அனைத்தும் அறிவோம்!

மூளை கோளாறால் உண்டாகும் மற்றொரு முக்கியமான நோய் வலிப்பு. இது குறித்து தெரிந்துகொள்வோம்.

  

மூளை தொடர்பான கோளாறு என்றாலே தலைவலி தான் என்று பலரும் நினைக்கிறார்கள். ஆனால் தலைவலிக்கு அடுத்தபடியாக அதிக பாதிப்பை உண்டாக்குவது வலிப்பு நோய். இந்தியாவில் 100 பேரில் ஒருவரை இந்நோய் தாக்குகிறது. ஒவ்வொரு ஆண்டும் வலிப்பு நோயால் 10 இலட்சம் பேர் வரை சிகிச்சை பெறுகிறார்கள். 

வயது பேதமில்லாமல் குழந்தைகள் முதல் பெரியவர்கள் வரை அனைவரையும் தாக்கும் இந்த வலிப்பு நோய்க்கான போதுமான விழிப்புணர்வை மக்கள் கொண்டிருக்கவில்லை என்று தான் சொல்ல வேண்டும். இந்த வலிப்பு நோய் ஏன் உண்டாகிறது. அறிகுறீகள், தீர்வுகள் போன்றவை குறித்து தெரிந்துகொள்வோம். 

​வலிப்பு நோய்

வலிப்பு நோய் என்றாலே அது நோய் என்று நினைக்க வேண்டாம். இது நரம்பு கோளாறு. மூளை பாதிப்பு , அதிகமான காய்ச்சல், ரத்த கொதிப்பு போன்றவை அதிகரித்து உடல்நிலை அதிக பாதிப்புக்குள்ளாவதை உணர்த்தும் அறிகுறியாக இதை எண்ண வேண்டும். அதே நேரம் இது நாள்பட்ட முளை கோளாறாகவும் இருக்கலாம். அசாதாரண மூளை செயல்பாடுகளால் வலிப்பு உண்டாகலாம்.

இது எப்போது வேண்டுமானாலும் எங்கு வேண்டுமானாலும் எந்த நேரத்திலும் வரக்கூடும். ஒருவருக்கு வலிப்பு வரும் போது கையும் காலும் வெட்டி வெட்டி இழுக்கும். அவர்களது வாயில் நுரை வெளியேறும். வெட்டும் போது நாக்கு பற்களுக்கு இடையில் மாட்டி கொள்ளும், வலிப்பு சில நிமிடங்கள் நீடிக்கும் வரை நாக்கு பற்களால் அழுத்தப்பட்டு ரத்தம் கசிவதும் உண்டு.

கண்களும் மேல் நோக்கியபடி இருக்கும். இது நீண்ட நேரம் இருக்காது. சில நிமிடங்களுக்கு பிறகு இந்த வலிப்பு வந்தவர்கள் இயல்பு நிலைக்கு திரும்புவார்கள். சிலர் சுயநினைவை இழக்கும் வகையில் வலிப்பை தீவிரமாக கொண்டிருப்பார்கள்.

வலிப்பு இரண்டு முறைக்கு மேல் வந்தால் அடிக்கடி வந்தால் அவர்கள் வலிப்பு நோய்க்கு உட்பட்டிருக்கிறார்கள் என்று சொல்லலாம். பொதுவாக குழந்தைகளும் வயதானவர்களும் இந்நோய் தாக்குதலை அதிகம் கொண்டிருக்கிறார்கள்.

​ஏன் உண்டாகிறது

உடலில் தகவல்கள் பரிமாற்றம் செய்யும் போது செல்களுக்கிடையே மின்சாரம் மிகச்சிறிய அளவு உற்பத்தியாகிறது. இது மூளை மற்றும் நரம்பு செல்களுக்கிடையே உண்டாகிறது. அப்படி உற்பத்தீயாகும் மின்சாரமானது அதிகமாக உற்பத்தி ஆகும் போது அதனால் மின் புயல் ஏற்பட்டு நரம்புகள் வழியே வேகமாக கடத்தப்படுகிறது.

அப்போது உடல் உறுப்புகளின் இயக்கம் மாறுபட்டு கை மற்றும் கால்கள் உதறப்பட்டு வெட்டி இழுக்க செய்யும். இதுதான் வலிப்பு என்றழைக்கப்படுகிறது.

​அறிகுறிகள்

வலிப்பு நோய்களுக்கான அறிகுறிகளில் அது பாதிக்கப்பட்டிருக்கும் இடத்தை பொறுத்து அறிகுறிகள் மாறுபடக்கூடும். இது திடீரென்று வரக்கூடியது என்பதால் கவனமாக இருக்க வேண்டும். வலிப்பு வருவதற்கு முன்பு வரக்கூடிய இந்த அறிகுறிகள் ஆரா என்றழைக்கப்படும்.

திடீரென்று தலைவலியும் உடல் சோர்வும் அதிகமாக இருக்கும். கைகளும் கால்களும் கட்டுப்பாடில்லாமல் தடுமாறும். அதிக குழப்பமான மனநிலை உண்டாகும். என்ன காரணத்தினால் என்றே அறியாத அளவுக்கு பதற்றம், பயமும் இருக்கும். உடலில் வியர்க்கும். காதுக்குள் யாரோ பேசுவது போன்ற குரல் கேட்கும். பார்வை மங்கலாக தெரியும். நடக்கவே முடியாது. இந்த அறிகுறிகள் வலிப்பு தாக்கத்தை பொறுத்து ஏற்படும்.

​காரணங்கள்

கை கால் வலிப்பு நோய்க்கு அடையாளம் காணக்கூடிய காரணங்கள் என்று குறிப்பிட்டு கண்டறியப்படவில்லை. பொதுவான காரணங்களாக சொல்லப்படுவது இதுதான். விபத்து அல்லது அதிர்ச்சியான காயம் காரணமாக தலையில் அடிபட்டு இருந்தால்இது கை கால் வலிப்பை உண்டாக்கலாம்.

மூளை வளர்ச்சி குறைபாடு பிறவியிலேயே பிறப்பதற்கு முன்பு இருந்தால் அல்லது மூளையில் கட்டி, ரத்தக்கசிவு, ரத்தம் உறைதல்,மூளைக்காய்ச்சல், முளை அழற்சி என மூளைக்கு சேதம் விளைவிக்கும் மூளை நிலைமைகள் கை- கால் வலிப்பை உண்டாக்கும். பக்கவாதம் , டெட்டனஸ் காரணத்தாலும் வலிப்பு நோய் வரக்கூடும். கர்ப்பிணியாக இருந்தால் கர்ப்பகாலத்தில் ரத்தகொதிப்பு கொண்டிருந்தால் பிரசவக்காலத்தில் வலிப்பு வரக்கூடும்.

வயதானவர்களாக இருந்தால் அவர்கள் ரத்த பிளேட்லெட்டுகள் குறைவதும் அல்சைமர் நோயின் தாக்கமும் வலிப்பை உண்டாக்கலாம். கட்டுப்படாத உயர் ரத்த அழுத்தம், நீரிழிவு , சிறுநீரகக் கோளாறுகள் போன்றவை வலிப்பு நோயை தூண்டக்கூடியவையே. எனினும் பல நேரங்களில் வலிப்புக்கான காரணத்தை கண்டறியமுடிவதில்லை.

​பரிசோதனையும் சிகிச்சையும்

வலிப்பு முதல் முறை வந்தாலேமூளை நரம்பியல் மருத்துவரை அணுகுதல் அவசியம். ரத்தபரிசோதனையோடு மூளையின் மின்னோட்டத்தை அளவிடும் ஈ.ஈ.ஜி. சி.டி. ஸ்கேன், எம்.ஆர்.ஐ ஸ்கேன் பெட் ஸ்கேன், ஸ்பெக்ட் ஸ்கேன் போன்ற பரிசோதனைகள் செய்யப்படும். இதன் மூலம் வலிப்பு நோய்க்கான காரணத்தை கண்டறிந்து வலிப்பின் வகை தெரிந்து சிகிச்சை அளிக்கப்படும்.

அதாவது வலிப்பு மூளையின் ஒரு பகுதியில் மட்டுமே உண்டாகும் பாதிப்பால் வரக்கூடிய பகுதி வலியா அல்லது உடல் முழுவதும் பரவியிருக்க கூடிய முழுவீச்சு வலிப்பா என்பதை கண்டறிந்து அதற்கேற்ப சிகிச்சை அளிக்கப்படும்.

ஃப்ரீடயபாட்டீஸ் வந்தாலே சர்க்கரை நோய் வருமா, அதை தடுக்க முடியுமா?

வலிப்பு நோய் வந்தவர்களுக்கான வயது, தன்மை போன்றவற்றை பொறுத்து மருந்துகள் அளிக்கப்படும். ஆரம்ப நிலையில் கவனித்து விட்டால் சிகிச்சை எளிமையாக இருப்பதோடு பலனும் கிடைத்துவிடும். வெகு சிலருக்கு மூளை அறுவை சிகிச்சை செய்யப்படும். சிகிச்சையை தொடர்ந்து தவறாமல் எடுத்துகொள்ளும் போது 70% வலிப்பு மிண்டும் வராமல் தடுத்துவிட முடியும்.

வலிப்பு வந்தவர்கள் சிகிச்சைக்கு பிறகு மூன்று ஆண்டுகள் வரை வலிப்பு நோயை உணரவில்லையெனில் அவர்கள் மாத்திரைகளை மருத்துவரின் அறிவுரையோடு நிறுத்திவிடலாம். அதே நேரம் மருந்துகளை விட்டு விட்டு எடுத்துகொள்வது எந்த பலனையும் அளிக்காது. வலிப்பு நோய் வரும் போது என்ன செய்ய வேண்டும் என்னும் மருத்துவரின் அறிவுரையையும் கடைப்பிடிக்க வேண்டும்.