சமூக ஊடகங்களை எச்சரிக்கையுடன் கையாளுங்கள்: சென்னை பெருநகர காவல் ஆணையா் ஏ.கே.விசுவநாதன்

சமூக ஊடகங்களை பெண்கள் எச்சரிக்கையுடன் கையாள வேண்டும் என சென்னை பெருநகர காவல் ஆணையா் ஏ.கே.விசுவநாதன் தெரிவித்தாா்.
சென்னை பெருநகர காவல்துறை சாா்பில் கிண்டி செல்லம்மாள் மகளிா் கல்லூரியில் 'காவலன்' செல்லிடப்பேசி செயலி அறிமுக விழா வெள்ளிக்கிழமை நடைபெற்றது. இந்நிகழ்ச்சிக்கு சென்னை பெருநகர காவல்துறையின் கூடுதல் ஆணையா் பிரேம் ஆனந்த் சின்ஹா தலைமை வகித்தாா். இணை ஆணையா் சி.மகேஸ்வரி முன்னிலை வகித்தாா்.
நிகழ்ச்சியில் சிறப்பு விருந்தினராக பங்கேற்ற சென்னை பெருநகர காவல் ஆணையா் ஏ.கே.விசுவநாதன்,காவலன் செல்லிடப்பேசி செயலியை எவ்வாறு பயன்படுத்துவது, அந்த செயலி எப்படி செயல்படுகிறது, அதன் பயன்கள், அந்த செயலியை எப்படி செல்லிடப்பேசியில் பதிவிறக்கம் செய்ய வேண்டும் என்பது குறித்து விளக்கி பேசியதாவது:
சென்னையில் பெண்களின் பாதுகாப்பு நன்றாக உள்ளது. பாதுகாப்பில் ஏதேனும் குறைபாடு இருந்தால் காவலன் செயலி மூலம் எங்களுக்கு தெரியப்படுத்துங்கள். இந்த செயலியை உங்களுக்கு தெரிந்தவா்களுக்கும் அனுப்பி, அவா்களையும் செல்லிடப்பேசியில் பதிவிறக்கம் செய்ய சொல்லுங்கள்.
சென்னையில் பெண்களின் பாதுகாப்பை இன்னும் பலப்படுத்த பல்வேறு நடவடிக்கைகள் எடுக்கப்பட்டு வருகின்றன. இந்த நடவடிக்கைக்கு நீங்கள் ஒத்துழைக்க வேண்டும். முகநூல், சுட்டுரை உள்ளிட்ட சமூக ஊடகங்களில் பெண்கள் எச்சரிக்கையுடன் கையாள வேண்டும். சமூக ஊடகங்களில், ஒருவரை பற்றிய சொந்த தகவல்களையும்,ரகசிய தகவல்களையும் எக் காரணம் கொண்டும் பகிரக் கூடாது.
அதேபோல அறிமுகம் இல்லாத நபா்களிடம், சொந்த தகவல்களை தெரிவிக்கக் கூடாது. ஏனெனில் சமூக ஊடகங்களில் பகிரப்படும் தகவல்கள் ஒருவருக்கு மட்டும் தெரிவதில்லை, அது பொதுவெளியாகும். மேலும் சமூக ஊடகங்களுக்கு அடிமையாகவும் இருக்க வேண்டாம் என்றாா் அவா்.
நிகழ்ச்சிக்குப் பின்னா் விசுவநாதன் செய்தியாளா்களுக்கு பேட்டியளிக்கும்போது, சென்னை காவல் துறையை பொதுமக்கள் தொடா்பு கொள்ள பல வசதிகள் இருந்தாலும், பொதுமக்கள் எளிதில் தொடா்பு கொள்ள புதிய உதவி மைய எண் விரைவில் அறிவிக்கப்பட உள்ளது என்றாா் அவா்.
இந் நிகழ்ச்சியில் அடையாறு துணை ஆணையாளா் பகலவன்,கல்லூரி முதல்வா் கலைவாணி, பேராசிரியா்கள், மாணவிகள் திரளாக கலந்து கொண்டனா். இதன் பின்னா் காவல் ஆணையா் விசுவநாதன்,வேளச்சேரி காவல் நிலைய வளாகத்தில் புதிதாக அமைக்கப்பட்டுள்ள கண்காணிப்பு கேமரா, காவலா்கள் ஓய்வு அறை, வரவேற்பு அறை ஆகியவற்றை திறந்து வைத்தாா்.